İcmal büdcənin profisiti 10 ayda 7 milyard 869.6 milyon manata çatıb

Bu ilin yanvar-oktyabr aylarında icmal büdcənin gəlirləri 41 milyard 952 milyon manat, xərcləri 34 milyard 82.4 milyon manat olub. Maliyyə Nazirliyinin məlumatına görə, nəticədə icmal büdcədə 7 milyard 869.6 milyon manat profisit yaranıb.

Dövlət büdcəsinin gəlirləri 33 milyard 569.6 milyon manat, xərcləri 28 milyard 761.4 milyon manat olub. Gəlirlər bir il əvvələ nisbətən 2.1%, xərclər 3.8% çoxalıb. Dövlət büdcəsində profisit 4 milyard 808.2 milyon manatdır və ötən ilin eyni dövrü ilə müqayisədə 21.3% çoxdur.

Büdcə gəlirlərinin əsas hissəsini vergi və gömrük daxilolmaları təşkil edib. Dövlət Vergi Xidməti üzrə daxilolmalar 16 milyard 65.2 milyon manat (11.7% çox), Dövlət Gömrük Komitəsi üzrə 5 milyard 613.5 milyon manat (6.8% çox) olub. Əmlak Məsələləri Dövlət Xidməti üzrə daxilolmalar 47.7 milyon manat (23.6% çox), büdcədən maliyyələşən təşkilatların ödənişli xidmətlərindən daxilolmalar 606.1 milyon manat (13% çox) təşkil edib.

Dövlət Neft Fondundan transfert 10 milyard 697 milyon manat olub və bir il əvvələ nisbətən 11.3% azalıb. Sair daxilolmalar 540 milyon manat (12.2% az) təşkil edib.

Xəzinədarlıq orqanları bu dövrdə 1 milyon 110 mindən çox ödəniş tapşırığı icra edib. Bu, ötən ilin eyni dövrü ilə müqayisədə 13.5% azdır.