“Azərsun Holdinq” Abşeron fermerlərindən zeytun qəbulunu davam etdirir

“Azərsun Holdinq” yerli fermerlərdən zeytun tədarükünü davam etdirir. Şirkətlər Qrupu bu addımla Abşeron rayonunda fəaliyyət göstərən kiçik istehsalçılara dəstək verir və yerli xammal təminatının artırılmasına çalışır.

Zeytun Abşeron rayonundakı yerli istehsalçılardan tədarük edilir. Holdinqin açıqlamasına görə, bu, ölkədə zeytunçuluq ənənələrinin qorunub saxlanmasına, sahənin inkişafına və fermerlərin fəaliyyətinin təşviqinə şərait yaradır.

Şirkət kənd təsərrüfatının müxtəlif istiqamətlərində işləyən kiçik sahibkarların dəstəklənməsinə xüsusi önəm verir. Bu təşəbbüs yerli istehsal imkanlarının genişləndirilməsinə də töhfə verir.

Zeytunun təhvil verilməsi üçün ünvan Ziya Bünyadov prospekti, Xarici Dairəvi küçəsi, 2038-ci məhəllədir (73 saylı orta məktəbin yanı). Əlaqə nömrəsi +994 12,404 19 19-dur (daxili: 2903).