Azərbaycanda neft hasilatı 2027-ci ildə 26 milyon 562.1 min ton proqnozlaşdırılır

2027-ci ildə Azərbaycanda neft hasilatının 26 milyon 562.1 min ton olacağı nəzərdə tutulur. Bu rəqəm 2027-ci ilin büdcə zərfinin layihəsində əksini tapıb. Layihəyə görə, bu həcm 2026-cı il üçün müəyyənləşdirilmiş proqnozdan 3.6% azdır.

2028-ci ildə hasilatın 26 milyon 069.2 min ton olacağı proqnozlaşdırılır. Bu, 2027-ci ilin proqnozuna nisbətən 1.9% azdır. 2029-cu ildə 26 milyon 633.2 min ton, 2030-cu ildə isə 26 milyon 309.1 min ton hasilat nəzərdə tutulur.

Cari ilin yanvar-sentyabr aylarında qaz kondensatı daxil olmaqla 19 milyon 860.1 min ton xam neft hasil edilib. Bunun 19 milyon 809.8 min tonu əmtəəlik xam neftin payına düşüb. Hasilat və əmtəəlik neftin həcmləri 2025-ci ilin eyni dövrü ilə müqayisədə 3.9% azalıb.

2026-cı il üzrə ölkədə neft hasilatı 27.6 milyon ton proqnozlaşdırılıb ki, bu da 2025-ci ilin proqnozundan 3.2% azdır. 2024-cü ildə Azərbaycanda 29.1 milyon ton neft hasil olunub, bu da 2023-cü illə müqayisədə 3.6% azdır.