Nərə kürüsü, siqaret və PVC parçaların idxalına yeni rüsum dərəcələri müəyyən edildi

Nazirlər Kabineti nərə balığının kürüsü, siqar, siqaret və siqarillalar, həmçinin polivinilxloridlə hopdurulmuş və ya üzlənmiş tekstil parçaların idxalına tətbiq olunan gömrük rüsumlarının dərəcələrini dəyişib. Bu barədə qərarın müvafiq dəyişikliyində yazılıb.

Dəyişikliyə əsasən, 2030-cu ilin sonunadək idxal olunan nərə balığının kürüsü üçün idxal gömrük rüsumunun dərəcəsi 15% müəyyən edilib, lakin hər kiloqram üçün 200 ABŞ dollarından az olmamalıdır. Hazırda bu göstərici idxal dəyərinin 15%-i səviyyəsindədir.

Siqar, siqaret və siqarillalar üçün dərəcə 15%, lakin 1000 ədədinə 3.0 ABŞ dollarından az olmamaqla təyin olunub. Qüvvədə olan dərəcə 1000 ədəd üçün 0.5 ABŞ dollarıdır.

Polivinilxloridlə (PVC) hopdurulmuş və ya üzlənmiş tekstil parçalar üçün idxal gömrük rüsumu 15% təşkil edəcək. Hazırda bu məhsullar üzrə dərəcə 0 və ya 5%-dir.