İpoteka Fondu adi ipoteka üçün banklara yeni limitlər ayırır

İpoteka və Kredit Zəmanət Fondu 2026-cı ildə adi ipoteka kreditləşməsi prosesinin davam etməsi üçün müvəkkil banklara növbəti limitləri ayırır. Fondun məlumatına görə, müraciətlərin qəbulu 13 noyabr 2026-cı il tarixində saat 15:00-dan etibarən başlayacaq.

Vətəndaşlara 12 noyabr 2026-cı il tarixinədək elektron kabinetlərini formalaşdırmaq tövsiyə edilir. Müraciətlər Mygov portalındakı “Elektron ipoteka və kredit zəmanət” sistemi üzərindən qəbul olunacaq. Vətəndaşlar müraciətlərini “SİMA İmza”nın biometrik identifikasiya funksionallığı ilə təsdiqləyə bilərlər.

Fond bildirir ki, sonradan imtina edilmiş müraciətlər üzrə formalaşan qalıq limitlər həcmində müraciətlərin qəbulu cümə günləri saat 12:00-dan etibarən aparılacaq.

Müraciətə dair təlimatla Fondun rəsmi internet səhifəsində (www.mcgf.gov.az/storage/Talimat.pdf) və Mygov portalının müvafiq bölməsində tanış olmaq olar.