Formula 1 və 2 üzrə vergi güzəştləri 3 il uzadılır

Formula 1 və Formula 2 yarışları ilə bağlı vergi güzəştlərinin qüvvədə olma müddəti 3 il artırılır. Bu, Vergi Məcəlləsində dəyişiklik edilməsi haqqında qanun layihəsində əksini tapıb və sənəd 2027-ci ilin büdcə zərfinə salınıb.

Layihədə elektrik mühərriki ilə işləyən avtomobillər üçün ikinci və üçüncü səviyyə elektrik enerji doldurucularının idxalı və satışına aid ƏDV-dən azadolmanın müddəti də 3 il uzadılır.

Bundan başqa, xarici dövlətlərin yük avtomobilləri, qoşqulu və yarımqoşqulu avtonəqliyyat vasitələri ilə dəmir yolu-avtomobil kombinə edilmiş tranzit daşımaları üzrə yol vergisindən azadolmaların 2 il müddətinə uzadılması təklif olunur.