Bakıda şirkətlərin kapital bazarına çıxışı müzakirə olunub
AHK Azərbaycanda keçirilən panel müzakirəsində şirkətlər üçün bank kreditindən başqa maliyyələşmə yolları, listinq tələbləri və emissiya prosesi müzakirə edilib.

Alman-Azərbaycan Xarici Ticarət Palatasında (AHK Azərbaycan) noyabrın 19-da şirkətlərin yerli kapital bazarlarına çıxışına həsr olunmuş panel müzakirəsi keçirilib. Tədbirdə bank kreditindən fərqli və ya onu tamamlayan maliyyələşmə yolu kimi kapital bazarının imkanları, bu yolda yaranan praktiki çətinliklər müzakirə olunub.
Çıxış edənlər arasında Bakı Fond Birjasının Listinq qrupunun rəhbəri Fərhad Mansurov, AFB Bankın baş icraçı direktorunun müavini və maliyyə direktoru Rüqiyyə Əliyeva, Unibankın dayanıqlılıq üzrə meneceri Səmra Talışinskaya-Abbasova olub. Müzakirəni AHK Azərbaycanın Maliyyə və İnvestisiya İşçi Qrupunun sədr müavini Tələt Kalayev aparıb.
Panelin gündəliyində potensial emitentlərin bazara çıxarkən üzləşdiyi məsələlər dayanıb. Bunlara listinq tələbləri, tənzimləyici çərçivə, maliyyə hesabatlılığı, korporativ idarəetmə, investorların gözləntiləri və qiymətli kağızların emissiyası daxildir.
Tədbir maliyyə və kommersiya direktorları, hüquq və uyğunluq üzrə mütəxəssislər, həmçinin alternativ maliyyə mənbələrini araşdıran şirkət nümayəndələri üçün nəzərdə tutulub.
Bakı Fond Birjası belə tədbirlərlə yerli şirkətlərin kapital bazarı barədə məlumatlılığını artırmağa və bazar iştirakçıları arasında praktiki bilik mübadiləsinə dəstək verir. Bu, şirkətlərin kapital bazarı vasitəsilə maliyyələşmə mənbələrinə çıxışını genişləndirməyə yönəlib.
Tarixçə
Bakı Fond Birjası 6 xəbər- Bakı Fond Birjası kapital bazarının III rüb icmalını açıqladı
- “İdeal Kredit” 5 milyon manatlıq istiqraz buraxır
- “Kəpəz” BOKT Bakı Fond Birjasında 6 milyon manatlıq istiqraz yerləşdirəcək
- Legion Financial istiqrazlarına Bakı Fond Birjasından ticarət icazəsi
- BFB-nin 10 aylıq dövriyyəsi 32% azalıb, əqdlərin sayı ikiqat artıb
- Maliyyə Nazirliyi 34.4 milyon manatlıq dövlət istiqrazı yerləşdirib
Mənbələr
Material AZERBUSINESS redaksiyası tərəfindən dünya və yerli bazarları, açıq mənbələri izləməklə hazırlanıb. İnvestisiya məsləhəti deyil. İstifadə şərtləri

