Bazar · 17:44
Xəbər · İqtisadiyyat

Qarabağ və Şərqi Zəngəzura 2030-cu ilədək 22.82 milyard dollar yönəldilir

İİTKM-in icmalına görə, bərpa işlərinə 2020–2025-ci illərdə 12.94 milyard, 2026-cı ildə 2.06 milyard dollar ayrılıb.

Qarabağ və Şərqi Zəngəzura 2030-cu ilədək 22.82 milyard dollar yönəldilir

Qarabağ və Şərqi Zəngəzurun bərpası üçün 2030-cu ilədək ümumilikdə 22.82 milyard dollar dövlət investisiyası nəzərdə tutulur. Bu barədə İqtisadi İslahatların Təhlili və Kommunikasiya Mərkəzinin (İİTKM) 8 Noyabr – Zəfər Gününə hazırladığı “Invest in Garabagh and Eastern Zangezur” icmalının üçüncü buraxılışında deyilir.

İcmalda qeyd olunur ki, Dövlət Proqramı çərçivəsində bərpa və inkişaf üçün nəzərdə tutulan dövlət investisiyalarının ilkin ümumi dəyəri 22.82 milyard dollar qiymətləndirilir. Bu vəsaitin 12.94 milyard dolları 2020–2025-ci illərdə ayrılıb, 2026-cı ilin dövlət büdcəsində 2.06 milyard dollar nəzərdə tutulub. 2027–2030-cu illərdə isə əlavə 7.82 milyard dolların yönəldilməsi proqnozlaşdırılır.

İcmalda azad edilmiş ərazilərdə bank kreditlərinin həcmi də göstərilib. 2026-cı il sentyabrın 1-nə Qarabağ iqtisadi rayonunda kredit portfeli 349.1 milyon dollar olub: bunun 328.2 milyon dolları uzunmüddətli, 20.9 milyon dolları qısamüddətli kreditlərdir.

Şərqi Zəngəzur iqtisadi rayonunda kredit portfeli 22.6 milyon dollardır. Bu məbləğin 14.5 milyon dolları uzunmüddətli, 8.1 milyon dolları qısamüddətli kreditlərin payına düşür. Beləliklə, həmin tarixə iki iqtisadi rayon üzrə ümumi kredit portfeli 371.7 milyon dollar təşkil edib.

Tarixçə

Qarabağ 1 xəbər
  1. Qarabağ və Şərqi Zəngəzurda məhsul buraxılışı 2020-ci ildən kəskin artıb

Mənbələr

Material AZERBUSINESS redaksiyası tərəfindən dünya və yerli bazarları, açıq mənbələri izləməklə hazırlanıb. İnvestisiya məsləhəti deyil. İstifadə şərtləri

Aktual oxunanlar

son 36 saat
Bütün xəbərlər