Mərkəzi Bank və Dünya Bankı maliyyə dayanıqlığını müzakirə edib

Azərbaycan Mərkəzi Bankı sədrinin birinci müavini Əliyar Məmmədyarov Dünya Bankının Avropa və Mərkəzi Asiya üzrə regional direktoru Abebe Aduqna və Cənubi Qafqaz üzrə regional direktoru Roland Praysın təmsil olunduğu nümayəndə heyəti ilə görüşüb. Mərkəzi Bankın məlumatına görə, görüşdə ölkədəki cari makroiqtisadi vəziyyət və iqtisadi inkişaf perspektivləri müzakirə edilib.

Tərəflər dayanıqlı maliyyənin təşviqi, maliyyələşmə imkanlarının genişləndirilməsi və risk əsaslı nəzarət yanaşmasının tətbiqi ilə bağlı görülən işləri nəzərdən keçirib. Maliyyə sektorunun dayanıqlılığının artırılması istiqamətindəki təşəbbüslər də müzakirənin mövzusu olub.

Görüşdə Dünya Bankının prioritet istiqamətlər üzrə dəstək imkanları və iki qurum arasında gələcək əməkdaşlıq imkanları ətrafında fikir mübadiləsi aparılıb.