Bazar · 23:44
Xəbər · Şirkətlər

Startap şəhadətnaməsi alan KOB-ların sayı 345-ə çatıb

İqtisadiyyat Nazirliyinin məlumatına görə, startap şəhadətnaməsi almış kiçik və orta biznes subyektlərinin sayı 345-ə çatıb.

Startap şəhadətnaməsi alan KOB-ların sayı 345-ə çatıb

Azərbaycanda startap şəhadətnaməsi almış kiçik və orta biznes subyektlərinin sayı 345-ə çatıb. Bu barədə İqtisadiyyat Nazirliyi məlumat verib.

Nazirliyin yanında startap şəhadətnaməsinin verilməsi üçün yaradılan Ekspertlər Şurası növbəti iclaslarında təqdim olunan layihələrə baxıb. Nəticədə daha bir qrup KOB subyektinə həmin sənəd təqdim edilib.

Şəhadətnamə informasiya texnologiyaları və süni intellekt, elektron ticarət və maliyyə texnologiyaları, təhsil, səhiyyə, kənd təsərrüfatı, logistika və nəqliyyat, turizm, reklam və marketinq, hüquq və biznes xidmətləri, tədbirlərin təşkili sahələrində rəqəmsal platforma və innovativ həllər hazırlayan layihələrə verilib.

Sənədi alan KOB subyektləri aldıqları tarixdən 3 il müddətinə innovasiya fəaliyyətindən əldə etdikləri gəlirlər üzrə mənfəət və gəlir vergisindən azaddırlar.

Fotosessiya · 2 foto

1 / 2
Startap şəhadətnaməsi alan KOB-ların sayı 345-ə çatıb
Startap şəhadətnaməsi alan KOB-ların sayı 345-ə çatıb

Mənbələr

Material AZERBUSINESS redaksiyası tərəfindən dünya və yerli bazarları, açıq mənbələri izləməklə hazırlanıb. İnvestisiya məsləhəti deyil. İstifadə şərtləri

Aktual oxunanlar

son 36 saat
Bütün xəbərlər