İxracatçı vergi ödəyicilərinə əlavə güzəştlər təklif olunur

Dövlət Vergi Xidmətinin rəisi Orxan Nəzərli Milli Məclisin İqtisadi siyasət, sənaye və sahibkarlıq komitəsinin iclasında çıxış edib. O, Mülki Prosessual Məcəllədə və digər qanunlarda dəyişiklikləri təqdim edərkən ixrac fəaliyyəti ilə məşğul olan vergi ödəyiciləri üçün yeni vergi təşviqlərinin nəzərdə tutulduğunu deyib.

Nəzərlinin sözlərinə görə, təkliflər təkcə malların deyil, xidmətlərin ixracını da əhatə edir. Məqsəd yerli sahibkarlıq subyektlərinin xarici bazarlara çıxış imkanlarını genişləndirmək və ixrac potensialını artırmaqdır.

Vergi öhdəlikləri vaxtında yerinə yetirilmədikdə, gecikdirilmiş günlər üçün hesablanan faiz dərəcələrinin 2 dəfə azaldılması təklif olunur. Layihədə maliyyə sanksiyalarının qısa müddətdə ödənilməsini stimullaşdıran əlavə elementlər də var. İnvestisiya fəallığını yüksəltmək üçün bir neçə sahəyə əlavə vergi güzəştləri də nəzərdə tutulub.