Azərbaycanın xarici borcu Dünya Bankının hesabatına görə azalıb

Dünya Bankının «International Debt Report 2026» hesabatına görə, ötən ilin sonuna Azərbaycanın ümumi xarici borcu illik 9.3% azalaraq 12,327 milyard ABŞ dolları olub. 2015-ci illə müqayisədə onillik ərzində bu göstərici 6.5% azalıb: 2015-ci ildə 13,179 milyard dollar idi.

Hesabata əsasən, xarici öhdəliklərin ən böyük hissəsi dövlət borcu və dövlət zəmanətli borcdur (PPG) — 11,041 milyard ABŞ dolları. Özəl zəmanətsiz borc (PNG) 1,064 milyard dollar, qısamüddətli borc isə 222 milyon dollardır.

Dünya Bankı qeyd edir ki, Avropa və Mərkəzi Asiya regionunda məcmu xarici borc 2025-ci ildə 15.3% artaraq 1.34 trilyon ABŞ dollarına çatıb. Region ixraca nisbətdə borc yükü (152%) və borca xidmətin ixraca nisbəti (24.8%) üzrə inkişaf etməkdə olan regionlar arasında ən yüksək göstəricilərə malikdir.